Gwamnan Plato Ya Ce Zaman Lafiya Ya Dawo Jihar

Gwamnan Plato, Simon Lalong, ya ce yana wurin zaben shugabannin jam’iyyarsa na kasa ya ji labarin kashe kashe ya barke a jiharsa. Nan take ya nemi komawa jiharsa.

Jihar ta yi shekara uku a karkashin shugabancinsa ba’a samu tashin hankali ba sai wannan shekarar sabili da rikicin da ya barke tsakanin kabilun Berom da Fulani.

Yace yanzu sun shirya domin su tabbatar da dorewar zaman lafiya a jihar. Gwamnan yace babu ruwansa da batun addini ko kabilanci saboda ya taso a gidansu inda rabi Musulmi ne rabi kuma Kirista amma duka ‘yanuwan juna ne. Baicin hakan addinisa ma ya koya masa bashi da ikon daukan fansa kan wani.

Gwamna Lalong y ace babu dalilin samar da wasu hanyoyi dabam da mutane zasu bi zuwa jihohin arewa maso gabashi, maimakon bi ta birnin Jos kamar yadda wasu suka bukaci ayi, domin a matsayinsa na gwamna ya dauki matakan tabbatar da zaman lafiya..

A saurari cikakken bayani a wannan rahoton Nasiru Adamu El-Hikaya

Gwamnan Plato Ya Ce Zaman Lafiya Ya Dawo Jihar – 5’ 05”