Matan gwamnonin arewacin Najeriya sun fara dauka mataki na shawo kan matsalar shan miyagun kwayoyi da ta ta'azzara a yankin, dake barazana ga ci gaba da kuma dorewar iyali
WASHINGTON, DC —
Kamar yadda muka alkawarta maku, yau shirin Domin Iyali zai yi bibiya kan matakan da matan gwamnonin arewacin Najeriya suka fara dauka na dakile matsalar shan miyagun kwayoyi dake barazana ga ci gaban iyali. Bayan kaddamar da shirin a jihar Sokoto, wakilin Sashen Hausa Murtala Faruk Sanyinna ya tattauna da uwargidan gwamnan jihar Hajiya Mariya Waziri wadda ta bayyana matakan da suke dauka a kungiyance na shawo kan wannan matsalar.
