Wani babban al’amari mai tayar da hankali shine, yadda bincike ya nuna cewa, adadin mata masu shiga shaye shayen miyagun kwayoyi, yana kokarin zarce na maza, kama daga ‘yammata, da manyan mata, kai har ma da matan aure, lamarin dake barazana ga dorewa da ci gaban iyali.
Ta haka shirin Domin Iyali zai nazarci wannan batu domin fadakar da iyaye kan wannan matsala da kuma neman matakan shawo kan wannan lamari.
A cikin hirarsu da wakilinmu Murtala Faruk Sanyinna, yayinda shirin ke gudanar da bincike kan wannan matsala, kwamandan hukumar yaki da sha da safarar miyagun kwayoyi ta Najeriya a jihar Sokoto Musbahu Idris, ya zayyana abubuwan da matasa a arewacin Najeriya suke sha domin samun maye. Yayinsa kwararru a fannin kiwon lafiya da zamantakewar al'umma suka bayyana illar shan miyagun kwayoyi.
Saurari cikakken shirin
Your browser doesn’t support HTML5
Rahoto na musamman kan shan miyagun kwayoyi a Najeriya-11:30"