Yayin da aka shiga zagaye na ashirin da bakwai na wasannin lig lig na Nigeria, ranar laraba kungiyar kwallon kafa ta Enyimba da ke Aba ta ragargaza kungiyar Ifenyi Ubah da ci 4 - 0 wanda hakan ne ya daga kungiyar ta Enyimba da maki biyar, kuma a yanzu it ace tafi kowace kungiya maki a teburin wassannin.
Kungiyar wadda wannan ne lokaci na shidda da take zama zakara, tana da maki hamsin da uku daga cikin wasanni ashirin da bakwai, kuma tana mataki na goma na rukunin kungiyoyin wasan da suka yi fice.
Wanna shine karo na biyu da kungiyar kwallon kafa ta Sunshine ta kasa doke kungiyar Heartland a wasan da suka buga a Akure a yayin da wasan nasu ya tashi babu ci ko guda.
Idan muka koma bangaren kungiyar Giwa FC kuma , kaftin din kungiyar Chales Henlong ya ceto kungiyar da maki daya a yayin da suka yi kunnen doki a fafatawar da suka yi a bakuncin da suka karba a Bayelsa, inda wasan ya tashi da kwallo 1 – 1
Haka kuma Ukeme Davies ya ceto kungiyar Akwa Ibom United daga shan kashi karo na biyu a yayin da ya sami nasarar jefa kwallo a cikin minti na 84 na wasan inda su yi kunnen doki da kungiyar Kanemi Warriors.
Kungiyar Warri Wolves kuma ta ragargaza kungiyar Shooting Stars da ci 4 – 0 a lokcin da suka amshi bakuncin su, a yayin da kungiyar Lobi star da Abia Warriors da kungiyar kano Pillars suka samu nasarar wasan su da ci daya da babu.