Shugaban kwamitin dake kula da hukumomin tattara bayananan sirri a Majalisar dokokin Amurka, Devin Nunes ya sauka daga mukaminsa a mataki na wucin gadi a binciken zargin da ake yi wa Rasha na cewa ta saci bayanan sirrin Amurka gabanin zaben 2016.
WASHINGTON D.C. —
Nunes ya bayyana hakan ne a yau Alhamis, inda ya ce ya dauki wannan matakin ne bayan da wasu suka gabatar da korafin cewa akwai yiwu war ya saba ka’ida a aikinsa.
Ya kara da cewa kungiyoyin masu rajin sassaucin ra’ayin sun zarge shi da rashin bin ka’idojin da suka danganci da’ar gudanar da aikin majalisar.
Shugaban kwamtin ya ce zai janye har sai an kammala binciken an gano ainihin gaskiyar lamarin.
“Duk da cewa wannan korafin da suka gabatar ba shi da tushe, na yi ammanar cewa zai fi alheri idan na bar abokanan aikina Mike Conaway da Trey Gowdy da kuma Tom Rooney su kula da jagorancin wannan kwamitin dake binciken Rasha na dan wani lokaci.” In ji Nunes.