Hukumar kwallon kafar Najeriya - NFF, ta nada dan kasar Amurka, Randy Waldrum, a matsayin mai horar da tawagar ‘yan wasanta mata na Super Falcons.
WASHINGTON, D.C. —
Waldrum ya yi aikin horar da ‘yan wasan kasar Trinidad and Tobago tsakanin shekarun 2014 zuwa 2016.
A yanzu zai maye gurbin dan kasar Sweden Thomas Dennerby, wanda ya kasa kai kungiyar ta Super Falcons ga samun tikitin shiga gasar wasannin Olympics ta shekarar nan ta 2020 a birnin Tokyo ta kasar Japan.
Kungiyar Super Falcons ta Najeriya
Shugaban hukumar ta NFF Amaju Pinnick ya fada a wata sanarwa cewa, ya ji dadin samun kocin, inda kuma ya bayyana yakinin cewa sabon shugabancin kungiyar zai daga martabar ta da lamurran wasannin kasar baki daya.