Kungiyar kwallon kafa ta Arsenal ta sha kashi a hannun kungiyar Swansea City da ci daya mai ban hauchi a jiya litini a filin wasan Emirate, koda yake ‘yan Arsenal sun taka leda amma babu sa’a, a wannan karon.
Mai tsaran gidan Arsenal David Ospina, yayi kokarin hana kwallon da Gomis ya nakada masa taba raga a minti 85 a cikin wasa amma alkalin wasa ya hura ci domin kwallon ya yuce layi.
Koch din Arsenal wato Arsene Wenger, yace kungiyar sa ta Arsenal, tayi rashin sa’a, a wasan su na baya-bayan nan, ya kara da cewa ‘yan wasan su barar da dama masu yawa da yakamata ace sun jefa kwallaye cikin raga.
Arsenal ta kasance ta uku akan teburi kuma tana da sauran wasani uku, ita kuwa Manchester United da take biye tana da sauran wasani biyu.
Duk kasancewar Swansea City tayi nasarar doke Arsenal a gida da waje itace ta takwas akan teburi.