Kakakin rundunar ‘yan sandan jihar Ogun, Omolola Odutola, ta tabbatar da faruwar lamarin a sanarwar da ta fitar a birnin Abeokuta, fadar gwamnatin jihar.
washington dc —
An samu gawar wani mutum mai shekaru 51 da haihuwa da ya dawo daga kasar Amurka, Sunday Abioye, a wani dakin otel a garin Sagamu, cikin karamar hukumar Sagamu ta jihar Ogun.
Kakakin rundunar ‘yan sandan jihar Ogun, Omolola Odutola, ta tabbatar da faruwar lamarin a sanarwar da ta fitar a birnin Abeokuta, fadar gwamnatin jihar.
Ta kara da cewa babban jami’in tsaron otel din, mai suna Mr. Oluwole, ya kai rahoton samun gawar wani abokin huldarsu ga hukumomin ‘yan sanda.
Ta ci gaba da cewa bayan samun rahoton ne, wata tawagar jami’an ‘yan sanda masu bincike suka ziyarci wurin, inda suka tarar har an sanya gawar a cikin wata mota a wajen otel din, inda iyalansa ke shirye-shiryen kai ta dakin ajiyar gawa.