Kwana daya bayan zaman gida da suka yi a ranar Laraba, wanda kusan ya mayar da tituna wayam a akasarin garuruwan kasar.
Rahotanni da dama na bayyana yadda sojoji suke amfani da karfi don tarwatsa masu zanga-zanga a birnin Mawlamvine da Hpa-An, hedikwatar jihar Karen. Haka sojoji sun fada kan wasu da ke makokin mutuwar 'ya uwansu a fadin kasar, tare da samun rahoton wani mutum da aka bindige har lahira.
Rahoton kungiyar ta AAPP ya ce sojoji sun kashe mutane akalla 320 a lokacin gumurzun. Daya daga cikin wadanda aka kashe yarinya ce mai shekaru 7 da haihuwa, wadda aka harbe a ranar Talata, lokacin da sojoji suka kutsa kai cikin gidansu, a cewar jaridar Myanmar Now da Reuters.
An ruwaito yarinyar ta na zaune akan cinyar mahaifinta lokacin da sojojin suka shiga gidan su ka bukaci sanin ko akwai wani daga cikin iyalan da ke cikin gidan.
Uban yariyar ya amsa musu cewa eh akwai, amma sojojin suka ce yayi musu karya sai suka bude ma shi wuta inda suka harbe yarinyar.