Yayin da aka shiga tsakiyar kasafin kudin wannan shekara, Amurka ta kama hanyar tsugunar da ‘yan gudun hijira kalilan, wadanda adadinsu ne mafi karanci a tarihin tsugunar da ‘yan gudun hijira da Amurka ta yi.
Daga ranar 1 ga watan Oktoban 2018 zuwa ranar 31 ga watan Maris na wannan shekarar, ‘yan gudun hijira 151 ne su ka shigo Amurka, aksari daga kasashe uku, wato Jamhuriyar Dimokaradiyyar Congo mai kashi 48% da Burma ma kashi 17% da Ukraine mai kashi 13%, bisa ga alkaluman Ma’aikatar Harkokin Waje.
A baya, Shugaba Donald Trump ya iyakanta adadin ‘yan gudun hijirar da kasar za ta iya tsugunarwa zuwa 30,000.
Wannan ne kuma adadi mafi karanci a tsawon shekaru 40, tun bayan da Majalisar Dokokin Tarayyar kasar ta amince da dokar kula da ‘yan gudun hijra ta 1980.