Ma’aikatar Tsaron Amurka ta Pentagon ta fitar da wasu sababbin hotuna wadanda ta ce sun dada tabbatar da cewa kasar Iran ce ta kai wa tankokin mai hari a tekun Oman a makon da ya gabata.
WASHINGTON DC —
Amurka ta ce, daya daga cikin hotunan ya nuna wasu dakarun kasar Iran dauke da wani bangare da bai fashe ba na jikin tankar jirgin mallakin Japan, dayan hoton kuma ya nuna inda aka makala jikin tankar.
Wani hoton ya nuna babban rami a jikin banagren tankar.
Wasu daga cikin hotunan manema labarai da aka dauka a ranar Alhamis na nuna lokacin da tankin jirgin Norway, ke ci da wuta yayin da ya turnike da hayaki.