Aisha Buhari Ta Dauki Nauyin Jinyar Yaron da Kishiyar Uwarsa Ta Raunata

Bayan da yaron ya fuskanci wannan bala'i a hannun kishiyar uwarsa hukumar hisba ta Kano tare da 'yansanda suka mika yaron wa likitoci a asibitin Murtala dake Kano.

Kakakin rundunar 'yansandan Kano DSP Magaji Musa wanda ya karyata jita-jitan cewa yaron ya rasu yace yanzu ma mahaifin yaron na cikin jerin wadanda ake tuhuma da hannu game da wannan muguwar aika-aikar.

Kawo yanzu dai 'yansanda sun gurfanar da kishiyar uwarsa Zainabu tare da kakarsa gaban kuliya.

To yanzu dai matar shugaban kasar Najeriya Hajiya Aisha Buhari ta bada umurnin a mika yaron birnin tarayya, Abuja, domin ta dauki nauyin kula da lafiyarsa har ya warke.

Lamarin ya zaburar da hukumar hisbar Kano wajen shirya wa mata wani gangamin fadakar dasu akan amanar kula da yara. Malama Zara Umar mataimakiyar kwamandan hukumar mai kula da bangaren mata tace addinin musulinci ya riga ya tanadi abun da yakamata a yi da yaro idan aure ya mutu to saidai wasu mazan basa bin shirin haka kuma wasu kishiyoyi basu da imani ko tsoron Allah.

Ga karin bayani.

Aisha Buhari Ta Dauki Nauyin Jinyar Yaron da Kishiyar Uwarsa Ta Raunata - 3' 04"