Shugaban kwamitin amintattun jam’iyyar PDP Sanata Walid Jibrin, yace baya tare da duk wani mai tunanin koda canza sunan PDP ne balle ma aje ga batun kafa wata sabuwar jam’iyya.
Sai dai kuma kakakin bangaren Sanata Modu Sheriff, Inuwa Bala, yace bangaren Makarfi ne ka kawo wannan batun don neman sake kawo rudani a cikin jam’iyyar, kuma wannan wani take-take ne na yunkurin komawa wata jam’iyya.
Sakataren shirye shirye na kwamitin rikon PDP, Abdul Ningi, na ganin har yanzu akwai ‘rina a kaba’ domin wannan fadan shine babban abin da yake kawo koma baya ga jam’iyya. Ya kuma ce sun tabbatar cewa akwai hannun baki a ciki.
Masana siyasa na ganin ko dai PDP bata hade ba akwai yiwuwar bullar wata gagarumar jam’iyyar adawa da manyan ‘yan siyasar da na ciki na ciki tsakaninsu da gwamnatin APC zasu kafa. Tun rikicin bangarewar PDP har yanzu hedikwatar jam’iyyar Wadata Plaza na rufe da ‘yan sanda na gadi.
Domin karin bayani ga rahotan Nasiru Adamu El-Hikaya.
Your browser doesn’t support HTML5
A Kwai Yiwuwar Bullar Wata Babbar Jam’iyya Idan Ba a Samu Hadin Kai A PDP Ba - 2'56"