Editocin GOAL.COM sun ce abu na 5 da ya girgiza duniyar kwallon kafa a shekarar 2014, shi ne abinda ya faru a bayan karawar da aka yi a tsakanin Ivory Coast da Kamaru a wasannin share fagen zuwa gasar cin kofin kasashen Afirka, inda aka tashi kunnen doki a Abidjan.
A bayan wannan wasa, dubban ‘yan kallo sun fantsama cikin filin, watakila saboda ba su ji dadin yadda aka yi wasan ba, domin da ma Ivory Coast na neman a yi kunnen doki ne sai ta haye, yayin da ita Kamaru ta riga ta haye ko da ma an doke ta.
‘Yan sandan kwantar da tarzoma sun fantsama cikin filin inda suka ciro kulakai su na dukar ‘yan kallo, amma daga bisani sai hotuna na bidiyo da wasunsu suka bulla cewa har da ‘yan wasan na Ivory Coast sun sha duka a hannun ‘yan sanda.
A wani matsayi ne cizon da Luis Suarez ya gantsara ma Giorgio Chiellini yake? Yaya batun ci 7-1 da Jamus ta yi ma Brazil? A biyo mu domin jin cikakken bayani….