Wasu mazauna garin Dapchi sun bada tabbacin cewa, wasu ‘yan bindiga sun yi ta harbe-harbe bayan haka sun kona wasu gidaje da motacin jam’ian tsaro amma daga bisani jami’an tsaron sun fatattaki ‘yan bindigar. Ko da yake, ya zuwa yanzu dai jami'an tsaro basu ce komai akan aukuwar lamarin ba.
Haka zalika a jiya Laraba wasu ‘yan bindiga sun kai hari a garin Damboa dake jihar Borno wanda yayi sanadiyar mutuwar mutane da dama ciki har da jami’an tsaro, wasu da yawa kuma sun samu raunuka.
Gwamnatin jihar Borno ta fitar da wata sanarwa ta hannun mai magana da yawun gwamnan jihar Alhaji Isa Umar Gusau, sanarwar ta bada tabbacin cewa jami’an tsaro sun samu nasara akan maharan sun kuma samu damar kwato motocin yaki guda 19, tare da kashe 'yan bindiga da dama.
Saurari cikakken rahoton cikin sauti.
Facebook Forum