Lamarin ya faru ne a wajejen karfe 2 na daren jiya laraba wayewar yau alhamis a tashar binciken motcin dakon kaya da ake kira Pont Bascule inda ‘yan bindiga suka bude wuta akan jami’an tsaro abinda ya yi sanadin mutuwar jandama 1 wasu 3 suka ji rauni.
Lokacin kadan bayan haka wasu mahara sun kai farmaki a tashar bincike inda mutun 5 suka rasu cikinsu jami’an Douane 2 da wasu 3 wadanda ba a tantance sub a sakamakon yadda suka kone kurmus.
Haka kuma rahotanni daga garin na Makalondi na cewa ‘yan bindigar sun kona motoci 7 sannan sun arce da motoci 2 na ‘yan sanda hade da wata bindiga kirar M80.
Har Izuwa lokacin aiko da wannan rahoto hukumomi ba su yi karin haske ba dangane da wannan al’amari dake wakana sa’oi kadan bayan da gwamnan jihar tilabery ya bada umurnin rufe gidajen mai da dama a sassan yankin mai fama da masalar tsaro
Saurari cikakken rahoton a cikin sauti:
