Wani jirgi mai horas da sojojin saman Najeriya ya samu ‘yar karamar matsala a ranar Alhamis, amma matukan jirgin biyu da ke cikin jirgin sun tsira daga hatsarin, in ji rundunar sojin sama.
washington dc —
Lamarin dai ya faru ne da misalin karfe 1335 agogon GMT a kusa da filin saukar jiragen sama na sojoji a garin Kaduna da ke arewacin kasar a daidai lokacin da jirgin ke dawowa daga wani atisayen da ya saba yi, in ji kakakin rundunar sojin sama Edward Gabkwet a wata sanarwa da ya fitar.
Sanarwar ta ce hukumomin sojin saman Najeriya sun ba da umarnin gudanar da bincike na farko don gano musabbabin hatsarin jirgin. Ba a bayar da ƙarin bayani ba.
Hadarin dai ya biyo bayan wani jirgin sama mai saukar ungulu kirar MI-35P na sojin saman Najeriya da ya fada a cikin watan Disamba, kuma shi ne karo na uku da ya afku tun watan Yuli.
Dandalin Mu Tattauna