WASHINGTON DC —
Rahotanni suka ce wata gamayyar kungiyoyin lauyoyi a New York suna ta taimakawa masu katin Green Card na izinin zama a Amurka da masu VISA wadanda suka iso a tashar jirgin sama ta JFK ba tareda wata cikas ba.
Lauya Camille Mackler ta gayawa kamfanin dilancin labarai na Associated Press jiya Lahadi cewa "yanzu ankoma aiki kamar da."
An kira wata 'yar kasar Iran Fariba Tajrostami, cewa tana iya hawa jirgi zuwa Amurka bayan da aka hana ta shiga jirgi makon jiya daga Istanbul, bayan da shugaban Amurka ya bada umarnin hana 'yan wadanan kasashe bakwai yin balaguro zuwa Amurka.
