WASHINGTON D.C —
Hanya daya tilo da za a inganta harkar waka a arewacin Najeriya, ita ce ta hadin kan mawaka tare da tafiyar da waka kan matakin da ya dace tana kaiwa a yanzu, inji mawaki Ibrahim Ahmad Rufa’i wanda aka fi sani da Deezeel.
Deezeel, ya ce wakokinsa na waiwayar hanyar da za a inganta hadin kai domin a cewarsa, a yanzu kan ‘yan arewa a rarrabe yake haka kuma mawakan na da matsala musamman ta hanyar rashin tallata wakokinsu a arewa maimakon tallata na turawa kamar yadda ake yi a yanzu.
Daga karshe ya ce yana isar da sakonin nishadantarwa tare da ilmantar da al’umma, game da basu irin abinda suke so amma ta hanyar da ta dace.
Facebook Forum