WASHINGTON DC —
Shugaban kasar Amurka mai jiran gado ya amince a jiya Laraba cewar zai zama shugaban kasa a daidai lokacin da siyasa ta rarraba kan al’umman kasar, sai dai ya musunta cewa yana da hannu a rarrabuwan kawuanan.
Trump ya fadawa gidan telibijin NBC cewa bai raba kan jama’a ba.
A wannan hira da ya yi da NBC Trump ya tabo abubuwa da dama.
Kodayake ya bada muhimmanci a kan batun bakin haure a lokacin yakin neman zabe da zancen gina bango tsakanin Amurka da Mexico har ma yace zai mai da baki zuwa kasashensu, Trump yace a halin yanzu yana tsara wani shiri wa mutanen da aka shigo dasu Amurka a matsayin yaya amma ba bisa doka ba.
