WASHINGTON DC —
Shugaban Amurka Donald Trump yace “sai da mu tsaya mu jira, mu gani tukuna, amma dai ba wannan ne zabinmu na farko ba.”
Shugaban yana maida amsa ne ga tambayar da aka yi mishi na cewa ko yana shirin daukar matakin soja na yakar Koriya ta Arewa (KTA).
Shugaban dai yana kalamin ne a fadarsa ta White House jiya jim kadan bayan wata tattaunawar wayar tarho da yayi da shugaban kasar China, Xi Jinping.
Lokacinda wakilan VOA suka tambaye shi abin da suka tattauna da shugaban kasar ta Sin, Trump yace shugaba Xi yana son yin wani abu kan China, sai dai bai fayyace ko mine ne abin ba.
Duk da haka shugaban Amurka din yace shi da shugaban China, ra’ayinsu kan KTA ya zo daya “100 bisa 100.”
Facebook Forum