Kawarta mai tallata fitattun mutane Jay Schwartz ta ce Wilson ta mutu farab daya ne a jiya Litinin a gidanta dake Las Vegas a jihar Nevada.
Wilson ita ce ta kafa kungiyar "The Supremes" tare da Diana Ross da kuma Florence Ballard yayin da suke zaune a gidajen jama’a a Detroit, a jihar Michigan a shekarar 1959.
Kungiyar ta kulla yarjejeniyar aiki da wani kamfanin shirya wakokin R&B na Motown Records bayan shekaru biyu amma wakarsu ta farko da ta shahara ita ce ta “Where Did Our Love Go” a shekarar 1964.
Shugaban kamfanin Motown Berry Gordy ya yabawa Wilson a cikin wata sanarwa a “matsayin fitacciyar taurari da ta san abin da take yi” wacce ta taka rawar gani shekaru da dama “domin daukaka kyakkyawar sunan The Supremes”
