Babban kwamandan sojojin kasashen yankin tafkin Chadi dake fafatawa da kungiyar Boko Haram Manjo Janar Lucky Irabor na Najeriya ya tabbatar da nasar da suke samu a farmakin da su keyi yanzu.
A cewarsa sun hallaka mayakan Boko Haram 59. Sun cafke wasu biyar a raye tare da karin wasu 'yan kunar bakin wake. Sun kuma cafke motocin 'yan ta'addan guda shida dake shake da makamai yayinda suka yi rugu-rugu da rumbunan abincinsu da kayan anfaninsu na yau da kullum.
A cewar Janar din aikinsu na samun nasara sosai kuma zasu ci gaba da murkushesu har sai sun ga bayansu, injishi.
Farmakin da aka sawa lakanin Operation Amni Fakat ya biyo bayan nasar da suka samu ne a wani Operation Ruwan Kada da suka yi a baya.
A cewar wani masanin tsaro Air Commodore Ahmed Tjjani Baba Gamawa nasarar bata zo masa da mamaki ba saboda sabbin dabarun yaki da yadda sojojin suka san wurin da kuma yadda karfin Boko Haram ya ragu ainun. Yawancin manyansu da kwararrunsu an kashesu.
Ga rahoton Hassan Maina Kaina da karin bayani.
Facebook Forum