Kungiyar kwallon kafa ta Real Madrid ta bayana sunayen wadanda take sa ran cewa zasu maye gurbin ‘yan wasanta na gaba, kamar su Karim Benzema, Gareth Bale da Cristiano Ronaldo.
A cewar wani rahoton Diario Gol, Shugaban kungiyar ta Real Madrid, Florentino Perez, yana shirin sayen ‘yan wasa shida, inda sunayen Neymar, na Paris Saint Germain, Eden Hazard, na Chelsea, da Harry Kane na Tottenham ke kan gaban a cikin sunayen ‘yan wasan da yake son ya sayo.
Real Madrid na bukatar canja fasalin ‘yan wasanta na gaba wadanda suka kwashe fiye shekaru uku suna jan ragamar kungiyar.
An dai san zakarun La-Ligan da kashe makudan kudade akan zaratan ‘yan wasan kwallon kafa na duniya kuma kungiyar ta sha kafa tarihi a wajen sayen ‘yan wasan. Kungiyar ta ga abinda rashin fidd kudi a shekarar data gabata ya jawo mata.
Facebook Forum