washington dc —
Gurfanar da tsohon gwamnan jihar Kogi Yahaya Bello gaban babbar kotun tarayya dake Abuja ya gamu da cikas sakamakon rashin bayyanar lauyansa.
Hukumar EFCC, mai yaki da masu yiwa tattalin arzikin Najeriya ta’annati ce ta gurfanar da tsohon gwamnan a bisa tuhume-tuhume 19 dake da nasaba da halasta kudaden haram har Naira biliyan 80.2.
A yayin zaman kotun na yau, lauyan hukumar EFCC Kemi Pinhero ta gabatar da bukatar karantawa wanda ake kara tuhumar da ake yi masa tare da neman jin ra’ayinsa akai
Yahaya Bello wanda ya yiwa kotun jawabi da kansa, ya shaidawa mai shari’a Emeka Nwite cewa an sanar da shi game da batun gurfanarwar ne a kurarren lokaci a jiya Alhamis 28 ga watan Nuwamban da muke ciki don haka bai samu damar sanar da lauyoyinsa ba.
Dandalin Mu Tattauna