Tsohon dan wasan Chelsea da Italiya Gianfranco Zola, ya zamo mataimakin sabon kocin kungiyar kwallon Kafa ta Chelsea Sarri.
Zola, wanda ya buga wasa a kungiyar ta Chelsea, a lokacin yana dan wasa ya taimaka wa kungiyar ta lashe kofin kalu bale na kasar Ingila FA Cup Har sau biyu da kuma lig na kasar daga shekara ta 1996 zuwa 2003,
Bayan ajiye takalman wasansa ya zama mai horas da ‘yan wasa inda ya rike kungiyoyin kwallon kafa har uku wadanda suka hada da West Ham, Watford, da kuma Birmingham, kuma ya ajiye aikinsa a watan Afrillun 2017 a kungiyar.
Yanzu haka dai Zola, zai hade da tawagar kungiyar Chelsea, a wasanninta na shirye shiryen lig (Free season) da take yi a can kasar Australia.
Liverpool ta amince da yarjejiniyar sayen mai tsaron raga na Kungiyar Roma mai suna Alisson kan kudi fam miliyan 66.8 Alisson ya kasance mai tsaron raga mafi tsada a duniyar tamola, bayan da ya haura kan mai tsaron ragar.
Gianluigi Buffon wanda aka saye shi yuro 53 a shekara 2001, da kuma Golan Manchester City Ederson, da aka sayeshi yuro miliyan 40 daga Benfica.
Dan wasan Brazil Neymar yace zata sauya zani game da komawarsa kungiiyar Real madrid inda ya bayyana aniyarsa ta cigaba da zamansa a kungiyar PSG in har zasu cigaba da bashi kula ta musamman.
Facebook Forum