WASHINGTON, DC —
A kalla mutane shida aka kashe da suka hada da maharan a wadansu tagwayen hare hare da aka kai yau asabar kusa da fadar shugaban kasar Somaliya dake Mogadishu, bisa ga cewar shaidu.
Shaidu sunce, wata mota dankare da nakiya a cikin gudu ta tarwatse wajen binciken ababan hawa kusa da wurin shakatawa da ake kira Peace Garden, daga nan aka yi musayar wuta tsakanin ‘yan bindigan da jami’an tsaro.
Rahotannin farko na nuni da cewa, mutane shida da suka hada da sojan gwamnati da kuma mahara biyar aka kashe a harin.
An bayyana cewa, wadansu mutane sun ji rauni sakamakon hare haren.
Facebook Forum