A yau shirin nishadi mun samu bakonci mawakin hip-hop, Mubarak Nuhu Alhassan wanda aka fi sani da Mkay ne ya sake ziyarta DandalinVOA mawaki ne na Afro-pop da rap wato zaurance.

Ya ce sha’awace kamar mafi yawan mawaka inda suka tsinci kansu, sannan daga cikin gwarzonsa na waka akwai mawaki Billy O, wanda a farkon farawarsa yake yi masa backup artist wato a matsayin dan amshinsa.

Mkay mawaki ne Afro-pop da kuma Rap, ya ce waka wata hanya ce ta fadakarwa tare ilmintarwa a lokaci guda.

A yanzu dai Mkay yace yana cin gashin kansa, sannan daya daga cikin kalubalen da ya fuskanta a wannan harka ta sa ta waka, shine matsala ta aure inda a lokacin da ya je neman aure bai zo masa da dadi ba, domin kuwa a nasa bangaren sai aka hana shi auren.

Yana mai cewa dalilin da ya sa aka hana shi kuwa ba wani dalili ba ne, illa irin kallon da ake yi wa mawaka mutane ne marasa da’a da tarbiya, wanda wannan abu ya ci masa tuwo a kwarya sosai domin kuwa sai da ya rasa masoyarsa.