Matsanancin Zafi Ya Kashe Mutane Talatin A Japan

Ana fama da wani irin matsanancin zafi a kasar Japan.

Mutane talatin sun mutu sakamakon yanayin na zafi, yayinda aka kai dubbai asibitai a duk fadin kasar.

Jami’an sun shawarci al’ummar kasar su rika shan ruwa sosai, su kuma zauna a dakin dake da na’urorin sanyaya wuri domin gudun bugun zuciya da matsanancin zafi ke haifarwa.

Yanayin zafin ya kai maki 40.9 a ma’aunin Celsius ko kuma dari da biyar ma’aunin Faranhait a tsakiyar Japan, yayinda a birnin Kyoto aka yi kwana bakwai jere a yanayin zafi da ya kai ma’auni Celsius 38.