Tsohon shugaban kungiyar kwallon kafa ta Arsenal Peter Hill-Wood, wanda ya kawo Arsene Wenger, kungiyar Arsenal a matsayin maihoras wa, a shekara ta 1996 yace a ajiye aiki da Wenger zaiyi a kungiyar yazo a dai-dai lokacin da ya kamata.
Kungiyar ta Arsenal tace zata iya kokarinta wajan ganin ta shawo kan hankalin tsohon Kocin Barcelona Luis Enrique, domin ya maye gurbin Arsene Wenger a kungiyar.
Manchester City ta karyata rade radin da akeyi na cewar zata sayar da danwasan bayanta John Stones, mai shekaru 23, da haihuwa a karshen kakan wasan bana.
Kungiyar tace har yanzu danwasan na cikin tsarin ‘yanwasan Pep Guardiola. Har ila yau Pep Guardiola ya sake komawa kan batun danwasan tsakiya na Barcelona Andres Iniesta, mai shekaru 33 a duniya da ya dawo kungiyar Manchester city.
Danwasan dai ance ya fara tattaunawa da kungiyar Paris Saint-Germain na kasar Faransa, Manchester United zata bada fam miliyan £40 ta kuma hada da danwasanta Luke Shaw dan shekara 22, wajan sayen danwasan baya na kungiyar Tottenham Danny Rose, mai shekaru 27.
Facebook Forum