WASHINGTON D.C. —
Alkalin kotun Justice Muslim Hassan ya ba gwamnatin tarayyar Najeriya umurni da ta ci gaba da rike kudaden har sai nan da makwanni biyu tare da yin shelar neman mai kudin.
Amma bayan makwanni biyu ba tare da wani ya gabatar da kansa ba a matsayin wanda ya mallaki kudin to ita kotun ta halartawa gwamnatin tarayya ta mallake kudaden.
Lauyan EFCC Rotimi Oyedepo shi ya gabatar da kudurin a gaban kotun yayin da ya gabatar da kara a madadin hukumar inda ya nemi a mallakawa gwamnatin tarayya kudaden.
Amma alkalin ya ba hukumar umurnin cewa ta tallata shelar neman mai kudaden a jaridu da sauran kafafan yada labarai har na tsawon makwanni biyu kafin gwamnati ta rike kudin idan har ba a sami mai su ba.
Ga rahoton Babangida Jibrin da karin bayani.
Facebook Forum