Kumgaiyar kwallon Kafa ta Manchester united tana shirin biyan kudi fam miliyan £60 wajan ganin ta sayi dan wasan gefe na Chelsea dan kasar Brazil, mai suna Williams dan shekaru 29 da haihuwa.
Crystal palace, tana zawarcin dan wasan tsakiya na Arsenal Jack Wilshere, wadda tuni dama ya bayyana cewar baya da tabbacin cigaba da zamansa a kungiyar Arsenal karkashin jagorancin sabon kocinta Unai Emery.
Kungiyar Sevilla, tana sha'awar dauko dan wasan tsakiya na kungiyar Real Madrid, mai suna Marcos Llorente, dan shekaru 23, hakan shi zai sa ta sake dan wasanta Steven Nzonzi, mai shekaru 29 ya koma kungiyar Arsenal.
Leicester city tana gab da sayen dan wasan tsakiya James Maddison, dan shekaru 21 da haihuwa bayan da kulob dinsa na Norwich, ya amince da tayin fam miliyan £24, akan dan wasan.
Napoli tana duba yuwar dauko mai tsaron raga na kungiyar Arsenal Petr Cech, mai shekaru 36 da haihuwa a matsayin aro.
Lazio ta ce ba zata karbi kudin da suka yi kasa da fam miliyan £35 ba wajan sayar da dan wasan gefen ta mai suna Felipe Anderson, dan shekaru 25 a duniya wanda kungiyar Westham, ta ke zawarcin sa, sakamakon zata biya kashi ashirin akan tsohon kulob dinsa Santo bisa yarjejeniyar da suka yi ta duk kudin da aka sayar dashi.
Facebook Forum