Jirgin Saman Sojojin Najeriya Ya Fadi A Nijer

WASHINGTON, DC —  Dazu nan da rana wani jirgin saman yakin sojojin Najeriya samfurin AlfaJet kirar kasar Faransa ya fadi a Tillabery a yankin yammacin Nijer jim kadan bayan tashin shi daga babban filin jirgin saman Diori Hamani na Niamey.

Wakilin Sashen Hausa a Niamey Abdoulaye Mamane Amadou ya ce hukumomi sun tabbatar da faduwar jirgin saman kuma duka mutane biyun da ke ciki sun mutu amma ba su ce uffan ba har ya zuwa lokacin da ya aiko ma na wannan rahoto.