WASHINGTON, DC —
Shahararren dan wasan barkwanci na Hausa, Aminu Ali Baba Kofar Nassarawa, wanda duniya ta sani da sunan "Baba Ari" ya ce yana nan da ransa, kuma cikin koshin lafiya, a bayan da wasu suka yi ta yada jita-jitar mutuwarsa a kan dandalin mu'amalar nan ta Facebook dake yanar gizo.
A tattaunawar da yayi da filin "A Bari Ya Huce..." da za a yada ranar asabar 22 ga watan Yuni, Baba Ari yace shi kansa ya ji mamaki da ya fara samun kiraye-kirayen jama'a kamar makonni biyun da suka shige, inda ake ta ba shi wannan labari cewar ai an zata ya mutu.
Dan wasan yace a yanzu ya daina hulda baki daya a kan Facebook, ya kuma ce ba ya da dangantaka da wasu daga cikin masu sanya suna irin nasa a dandalin na Facebook in ban da wasu kannensa guda biyu maza.
A kasance da shirin na "A Bari Ya Huce..." a ranar asabar 22 ga watan Yuni a shirinmu na karfe 6 na safiya agogon Najeriya, domin jin cikakken bayanin wannan hira.
Ga somin-tabi.
A tattaunawar da yayi da filin "A Bari Ya Huce..." da za a yada ranar asabar 22 ga watan Yuni, Baba Ari yace shi kansa ya ji mamaki da ya fara samun kiraye-kirayen jama'a kamar makonni biyun da suka shige, inda ake ta ba shi wannan labari cewar ai an zata ya mutu.
Dan wasan yace a yanzu ya daina hulda baki daya a kan Facebook, ya kuma ce ba ya da dangantaka da wasu daga cikin masu sanya suna irin nasa a dandalin na Facebook in ban da wasu kannensa guda biyu maza.
A kasance da shirin na "A Bari Ya Huce..." a ranar asabar 22 ga watan Yuni a shirinmu na karfe 6 na safiya agogon Najeriya, domin jin cikakken bayanin wannan hira.
Ga somin-tabi.
