WASHINGTON DC —
Wannan sabon labarin sake bullar cutar a Najeriya ya zo ne bazata wa hukumomin kasar, ya kuma tada hankalin al'ummar kasar da na kasashen dake makwaftaka da ita.
To saidai matakan gaggawa da hukumomin Najeriya suka dauka sun farantawa hukumar kiwon lafiya ta duniya rai har ma shugabar hukumar ta kira ministan kiwon lafiya ta zanta dashi.
A firar da yayi da Muryar Amurka Dr. Nasiru Gwarzo, daraktan ma'aikatar kiwon lafiya ta Najeriya wanda yake kula da cututtuka ya bayyana gamsuwar ita shugabar hukumar kiwon lafiya ta duniya Dr. Margaret Chan da kuma alkawarin ba Najeriya gagarumin taimako.
A cikin allurar rigakafi kusan miliyan dari ukku da ake bukata hukumar zata bada miliyan dari biyu kafin karshen wannan shekarar.
Ga karin bayani.
