WASHINGTON D.C. —
Mai yiwuwa, shugabannin Venezuela na aikata abin da ka iya zama “kisan kiyashi” ta wajen hana shigowa da kayan abinci, a cewar shugaban kasar na wucin gadi a jiya Lahadi.
“Gwamnati ta san wadanda ke da hannu a wannan hanin. Wannan babban laifi ne na kuntata ma bil’adama, da kuma sojoji,” a cewar Shugaban wucin gadi Juan Guaido.
Sojojin da ya ke nufi su ne wadanda aka tura wata gadar da ta hada Venezuela da Colombia.
Kayan abinci da magunguna da sauran kayan agaji na jibge a sashin Colombia na gadar, ta yadda wata tanka da wasu manyan motocin daukar kaya biyu ke tsaye a tsakiyar gadar.
Shugaban Venezuela Nicolas Maduro ya umurci sojojin da su hana shigowa da kayan agajin.
Facebook Forum