Majalisar zartaswa tayi taro na kusa da na karshe inda ta tsara hanyoyin da za'a bi saboda tabbatar da mika mulki cikin ruwan sanyi ba tare da wata matsala ba.
Taron ya zo a daidai da lokacin da ake rade-radin cewa akwai wasu matsaloli da ake fuskanta game da mika mulki, musamman tsakanin kwamitin dake shirin mika mulki da kuma kwamitin dake shirin karbar mulki. Ministar yada labarai ta gwamnatin Jonathan ta ce tuni an dauki duk matakan da suka kamata domin a tabbatar ba'a fuskanci wata matsala ba.
Sanata Patricia Akwashiki ministar watsa labarai tace ranar 28 ga wannan watan shugaban kasa mai barin gado Goodluck Jonathan zai nunawa sabon shugaban fadar shugaban kasa tare da mataimakinsa. Ran nan din Jonathan zai mikawa Janar Buhari sabon shugaba takardar bayani washegari kuma sai a rantsar dashi. Kafin nan, ranar 27 majalisar zartaswa zata yi taron karshe na bankwana da juna.
Ga karin bayani.
