Gwamnatin tace sanarwar zata kama aiki ne nan take daga jiya litinin har zuwa hudu ga watan Fabrairu. Sanarwar dai tana dauke da sa hannun kwamishinan ma'aikatar watsa labarai da al’adun cikin gida na jihar Borno Dr Mohammed Bulama da aka aikawa kafofin yada labarai a yammacin jiya.
Sanarwar tace an haramta zirga zirgar dukan motocin hawa ne na fararen hula dakan tashi daga garin Maiduguri zuwa Kwandiga, da Bama zuwa Banki, da kuma daga Banki zuwa garin Bama, sai kuma daga garin Bama har zuwa Goza wanda har zai dangana da birnin Maiduguri.
Har ila yau mabiya wata hanya da ake kira Mulai da ta tashi daga garin Maiduguri da zai gangara har zuwa garin Dambuwa da Goza, nan ma an haramtawa al’umma bin wannan hanyar, har sai rundunar tsaro ta kammala ayyukan da take yin a kakkabe gyauron ‘yan kungiyar Boko Haram.
Saurari cikakken rahoton Haruna Dauda Bi’u daga Maiduguri.
Facebook Forum