A bangaren saye da sayarwar ‘yanwasan kwallon kafa ta duniya a yayinda da ake dab da kammala lig-lig na kasashen duniya 2016/17.
Dan wasan gaba na kasar faransa maitaka leda a kungiyar kwallon kafa ta Atletico Madrid, Antoine Griezmann, ya amince zai koma kungiyar kwallon kafa ta Manchester United, a kakar wasan badi mai zuwa inda ita kuma Manchester, ta yarda zata rika biyansa kudi fam dubu 280, duk sati a matsayin albashi.
Alvaro Morata, danwasan gaba na Real Madrid, ya amince zai Koma wasa a kungiyar kwallon kafa ta Chelsea, Lucas Perez, na shirin dawowa Deportivo La Coruna daga kungiyar Arsenal.
Maihoras da kungiyar kwallon kafa ta Manchester United, Jose Mourinho ya bukaci kungiyar da ta sayo Marco Reus, na Borussia Dortmund.
Shi kuwa Sergio Aguero, na Manchester City, ya ki amincewa da tayin da Manchester United, tayi masa na Komawa kungiyar da taka leda a kakan wasan badi maizuwa.
