Shahararran dan wasan Najeriya, Alex Iwobi, ya kammala komawa kulab din Everton dake cikin gasar cin kofin Firimiya Lig ta Ingila.

Dan wasan ya kammala komawarsa a wa’adin rana ta karshe na sayan yan wasa daga kungiyar kwallon kafa ta Arsenal da ke birnin London a cikin wata yarjejeniya da ya saka hannu da ta kai kusan Fan miliyan 40 (kusan dala milyan 50 na Amurka).

Sai dai a lokacin da su ke tabbatar da zuwan dan wasan a jiya Alhamis, a cikin wata sanarwa da suka wallafa a shafin su na yanar gizo, hukumomin kulab din Everton sun ce yaji dadi matuka da ya daukon kwararran dan wasan Najeriya a shirye-shiyen da suke yi na fara sabuwar kakar wasanni ta bana.

Amma sanarwar ta ce, Alex Iwobi, ya rattaba hannu na komawa Everton daga Arsenal, bayan da ya amince da yarjejeniyar shekaru 5 da za ta kai har watan Yuni shekarar 2024.