WASHINGTON DC —
Dan wasan gaba na Real Madrid, Cristiano Ronaldo, ya tabbatar da ci gaba da zamansa a kungiyar wasan kwallon kafa ta Real Madrid.
A kwanaki baya anyi ta rade raden cewa akwai yuwar Cristaino Ronaldo, yana iya komawa tsohon kungiyarsa ta Manchester United, ko kuma Paris Saint-Germain ganin cewa kungiyoyin na cikin masu zawarcin dan wasan.
Dan wasan wanda ya kasance kaftin din kungiyar kwallon kafar kasar Portugal, ya jagoranci Real Madrid, inda ta lashe mayan gasa har hudu da kuma nasara a gasar La-liga wanda tun shekarar 2012, rabon kungiyar da jin kanshin lashe gasar.
Ronaldo, na mai cewa zai ci gaba da yin aikin tukuru daga shekara zuwa shekara domin kwallon kafa rayuwarsa ce kuma yana matukara sha’awar murza tamola.
Facebook Forum