Washington D.C. —
Real Madrid za ta kara a wasan karshe da Osasuna a filin wasa na La Cartuja a kokarin lashe kofin Copa del Rey.
Wasan na karshe zai wakana ne yayin da Madrid ke taga-taga a gasar La Liga.
Wannan shi ne karon farko da Osasuna take harin lashe wani babban kofi.
Sau 19 Madrid tana lashe kofin na Copa del Rey, karo na karshe a shekarar 2014.
A Italiya kuwa, AC Milan da Inter Milan na shirin fuskantar manyan wasanni.
Milan za ta kara da Lazio a San Siro yayin da Inter za ta kai ziyara gidan Roma.
Sakamakon wadannan wasanni na Italiya shi zai fayyace wadanne kungiyoyi ne za su kara a gasar Zakarun Nahiyar Turai.
