WASHINGTON D.C. —
Akalla fursunoni 57 suka mutu lokacin da aka yi bore a wani gidan yari da ke arewacin kasar Brazil a jiya Litinin.
An dai fara boren ne tun da sanyin safiyar jiya a gidan yarin Altamira da ke arewacin jihar Para.
Shugaban gidan yarin jihar, Jarbas Vasconcelos, ya fada a cikin wata sanarwa cewa, ‘yan wata kungiyar fursunoni, mai suna Comando Classe A, ne suka saka wuta a dakunan kwanan abokan hamayyarsu na kungiyar Comando Vermelho.
An ga hotunan bidiyo da kuma hotuna da wata kafar yada labarai ta nuna yadda wuta take fitowa daga gidan yarin.
Facebook Forum