WASHINGTON D.C. —
A wani taron manema labarai da aka gudanar a jiya Asabar, wakilan iyalan Muhammad Ali sun bayyana cewa ranar juma’a za a yi jana’izarsa a mahaifarsa da ke birnin Louisville, a jihar Kenturkey.
Ana kuma sa ran tsohon shugaban Amurka, Bill Clinton na daga cikin bakin da za su gabatar da jawaban ban-kwana, baya ga shararren dan wasan barkwanci Billy Crystal da kuma fitaccen mai karanta labarai Bryant Gumbel da suma za su gabatar da nasu jawaban.
Yanzu haka a birnin na Louisville, an rage tsayin totoci tare da gudanar da addu’oi a sassansa domin nuna alhinin rasuwar shararren dan damben.
