Lamunin dake samarda da fulawar rogo da kamfanonin burodi ke amfani da shi, ya faro ne daga shekara ta 2008, lokacin da gwamnatin Najeriya ke son fadada masana’antun sarrafa kayan noma na Najeriya.
A taro kungiyar masu gasa burodin rogon a Abuja, daraktan sashen hana asara na bankin Dr.Ezekiel Oseni, yace gwamnati ba za ta yafe bashin hakanan ba, domin kamfanoni 5 ma sun rufe aiki ba tare da biyan bashin ba.
Oseni yace duk sana’a ta na da kaddarar samun asara, amma ba za a goge bashin ba, don hakan zai hana gwamnati samun damar ba wa wasu ‘yan kasuwar lamunin.
A zantawa da gidan talabijin na BEN AFRICA, shugaban bankin Olukayode Pitan ya fadi dalilan da a ke ganin, su suka sa mutane kasa dawo da lamunin.
Alhaji Adamu Hassan na kungiyar ‘yan kasuwar arewacin Najeriya wanda su ka yi ta gwagwarmayar neman lamunin bankin masana’antun ba su samu ba, yace rashin nazarin inda bankin zai ba da lamunin ne ya jawo rashin biyan.
Bankin na tallafawa masana’antu na da tsarin irin sauran cibiyoyin gwamnati da ba sa samar da riba.
Ga cikakken rahoton daga wakilin Muryar Amurka Nasiru Adamu El-Hikaya.
Facebook Forum