Rahotanni daga Kanon Najeriya na cewa an yi jana’izar jarumin Kannywood Sani Garba S.K wanda ya rasu a ranar Laraba bayan fama da rashin lafiya.
An gudanr ada jana’izar ne da misalin karfe tara na safe agogon Najeriya a unguwar Mandawari da ke jihar.
Marigayin ya kwashe wasu shekaru yana fama da rashin lafiya, lamarin da ya sa a aka dena ganinsa a fina-finai a ‘yan shekarun baya-bayan nan.
A watan Nuwamban da ya gabata, an yi ta yada jita-jitar cewa jarumin ya rasu, hakan ya sa ya fito kafafen sada zumunta ya musanta ikirarin.
In lokaci ya yi, ba sai an tsaya ana ta wani yamadidi ba, za a tafi, kuma kowa da ka gani zai dandana mutuwa. Muna fatan dai idan mun zo mutuwa Allah ya sa mu cika da imani.” Margayi Garb SK ya fada a watan Nuwamba a wani bidiyon da ya karade shafukan sada zumunta.
Sani Garba SK na daya daga cikin fitattun jarumai da suka yi zarra a fagen fina-finan barkwanci da kuma fitowa a matsayin uba.
