washington dc —
Gabanin zanga-zangar gama-garin da ake shirin gudanarwa a fadin Najeriya akan matsin tattalin arziki, hukumomin soja sun ja kunnen masu shiryata dasu guji duk wani nau’i na tashin hankali.
Ya bayyana cewa manufar masu shirya zanga-zangar ita ce kwaikwayon boren daya faru a kasar Kenya dake shiyar gabashin Afirka wanda ya rikide zuwa tashin hankali.
A cewar Janar Buba, duk da cewa ‘yan kasa nada ‘yancin fitowa su bayyana korafe-korafensu, hukumomin soji ba zasu amince da kowane irin gangamin tashin hankali ba.
Ya kara da cewa hukumomin sojan sun bankado shirin da wadansu batagari ke yi na sauya akalar zanga-zangar zuwa ta tashin hankali ta hanyar afkawa ‘yan Najeriyar da basu ji ba basu gani ba tare da harkokin kasuwancinsu.
Dandalin Mu Tattauna