A na sa ran gudanar da idin na karamar sallah na bana ranar Jumma'ar nan ko Asabar mai zuwa wato 21 ko 22 ga watan nan na Afrilu.
A helkwatar JIBWIS da ke Utako Abuja, Dr. Muhammad Kabir Hauruna Gombe ya rufe tafsirin da jan hankalin duk wanda Allah ya ba wa jagoranci musamman irin na dimokradiyya ya sani akwai wa'adin kammala mulkin.
Shehun malamin ya ce abun da zai taimakawa jagororin shi ne wasu shugabannin da su ka shude.
Hakanan malamin ya bayyana shirin JIBWIS na daukar nauyin marayu mata masu kwazon karatu a lokacin auren su.
Mai martaa Sarkin Bwari Alhaji Muhammad Musa Ijakoro ya halarci rufe tafsirin a madadin sarakunan yankin birnin tarayya Abuja.
An ga mutane na nuna juyayin karatowar karshen azumin da kan kasance wata da mutane kan kara kaucewa miyagun aiyuka yayin da wasu masu hannu da shuni kan kyautatawa sauran talakawa.
Saurari cikakken rahoton Nasiru Adamu El-hikaya:
