Hukumomin Najeriya sun ce sun kama wasu mutane 42 da ake kyautata zaton cewa ‘ya’yan kungiyar Boko Haram ne a Lagos, da makwabciyarta jihar Ogun.
Wani kakakin rundunar sojojin Najeriya a Lagos, Kingsley Umoh, yace wasu daga cikin mutanen har sun amsa cewa su ‘ya’yan kungiyar ce ta Boko Haram, kuma sun gudu daga yankin arewa maso gabashin kasar ne a saboda farmakin da sojoji ke kaiwa kan kungiyar tasu a wannan yanki.
Farmakin da sojoji suka fara kaiwa a tsakiyar watan Mayu a yankin arewa maso gabashin Najeriya, musamman ma Jihar Borno, inda ‘yan Boko haram suka yi tunga, ya nakkasa kungiyar, amma kuma ya sa ‘ya;yanta sun warwatse, wasu kuma sun buya. Majiyoyin tsaro suka ce kungiyar tana iya fadada hare-harenta zuwa wasu sassa.
A yanzu dai dukkan hare-haren Boko Haram sun ta’allaka a yankin arewacin kasar ne, ba a taba samun ire-irensu a Lagos, cibiyar kasuwancin Najeriya, ko kuma yankin Niger Delta inda ake da masana’antun man fetur na kasar ba.
Wasu hare-haren bama-bamai da aka kai ranar litinin a Kano, birni mafi girma a yankin arewacin Najeriya, sun kasha mutane akalla 15 a unguwar Sabon Gari, wadda akasarin mazaunanta ‘yan kasuwa ne ‘yan kabilar Igbo, kuma mabiya addinin Kirista, daga kudancin Najeriya. A can baya ma, kungiyar Boko Haram ta auna hari a kan wannan unguwa.
Wani kakakin rundunar sojojin Najeriya a Lagos, Kingsley Umoh, yace wasu daga cikin mutanen har sun amsa cewa su ‘ya’yan kungiyar ce ta Boko Haram, kuma sun gudu daga yankin arewa maso gabashin kasar ne a saboda farmakin da sojoji ke kaiwa kan kungiyar tasu a wannan yanki.
Farmakin da sojoji suka fara kaiwa a tsakiyar watan Mayu a yankin arewa maso gabashin Najeriya, musamman ma Jihar Borno, inda ‘yan Boko haram suka yi tunga, ya nakkasa kungiyar, amma kuma ya sa ‘ya;yanta sun warwatse, wasu kuma sun buya. Majiyoyin tsaro suka ce kungiyar tana iya fadada hare-harenta zuwa wasu sassa.
A yanzu dai dukkan hare-haren Boko Haram sun ta’allaka a yankin arewacin kasar ne, ba a taba samun ire-irensu a Lagos, cibiyar kasuwancin Najeriya, ko kuma yankin Niger Delta inda ake da masana’antun man fetur na kasar ba.
Wasu hare-haren bama-bamai da aka kai ranar litinin a Kano, birni mafi girma a yankin arewacin Najeriya, sun kasha mutane akalla 15 a unguwar Sabon Gari, wadda akasarin mazaunanta ‘yan kasuwa ne ‘yan kabilar Igbo, kuma mabiya addinin Kirista, daga kudancin Najeriya. A can baya ma, kungiyar Boko Haram ta auna hari a kan wannan unguwa.
