An Kama Gulalai 'Yar Gwagwarmaya a Pakistan

Gulalai Isma’il tace tana komawa daga London ranar Jumma’a lokacin da jami’an shige da fice a tsahar jirgin sama ta Islamabad suka shaida mata cewa, tana cikin jerin wadanda aka haramtawa tafiya ta jirgin sama.

A watan Agusta yan sanda suka tuhumi Ismail da wadansu mutane goma sha takwas da laifin furta kalaman kin jinin gwamnati da kuma amfani da lafazi da zai iya haddasa rudani a wajen wata zanga zanga da aka gudanar a Swabi, dake lardin Khybr Pak-tun-khwa.